Kuvendi votoi përbërjen e re të KSHZ-së
Kuvendi me 95 vota e ka zgjedhur përbërjen e re të Komisioni Shtetëror për Zgjedhje. Për kryetar është zgjedhur Aleksandar Dashtevski i cili është propozuar nga VMRO-DPMNE.
Nënkryetar është Ditmire Shehu nga BDl, e cila edhe më herët ka qenë në këtë pozitë.
Nga radhët e LSDM-së mandat të ri kanë marrë Boris Kondarko dhe Radica Risteska, ndërsa anëtar është bërë edhe ish ministri i drejtësisë Oliver Ristevski.
Nga VMRO-DPMNE për anëtar është zgjedhur edhe Boban Stojanoski.
Nga radhët e koalicionit Aleanca për Shqiptarët-Alternativa është zgjedhur juristi nga Struga Krenar Lloga.
