Nga 26 janari udhëtimi drejt SHBA me test anti-covid

Shtetet e Bashkuara të Amerikës kanë ndryshuar rregullat e udhëtimit në kuadër të masave kundër pandemisë Covid-19.

Ambasada amerikane në Tiranë ka njoftuar se duke filluar nga data 26 Janar, për të udhëtuar drejt SHBA-së pasagjerët duhet të kenë test negativ të Covid-19 ose dokument që konfirmon se e kanë kaluar këtë sëmundje.

“Duke filluar nga 26 Janari, nëse udhëtoni me avion nga një vend tjetër drejt Shteteve të Bashkuara të Amerikës, ju duhet të paraqisni një rezultat negativ testi COVID-19 ose prova që e keni kaluar COVID-19 përpara se të udhëtoni”.

Autoritetet amerikane kanë vendosur që të gjithë pasagjerët që mbërrijnë në SHBA duhet të kenë test negativ të Covid-19 për 72 orë ose duhet të kenë të konfirmuar që e kanë kaluar koronavirusin. Dokumentin duhet ta paraqesin përpara nisjes së fluturimit. /tvklan.al