Ursula von der Leyen nesër për vizitë zyrtare në Shkup

Kryetarja e Komisionit evropian, Ursula von der Leyen nesër do të vijë për vizitë dyditëshe në Republikën e Maqedonisë së Veriut. Ursula von der Leyen do të pritet nga kryeministri Zoran zabe në platonë para Qeverisë.

Sipas agjendës, është paraparë dy delegacionet të nisen drejt Qendrës kulturore rinore, më pas do të nisen drejt Kinemasë Frosina, ku do të mbahet konferencë e përbashkët për shtyp e kryeministrit Zoran Zaev dhe kryetares së KE-së, Ursula von der Leyen.

Zëdhënësi i Komisionit evropian, Erik Mamer, paraprakisht paralajmëroi se Ursula von der Leyen në Shkup do të bisedojë edhe për kontestin me Bullgarinë. Siç lajmëroi korrespondentja e MIA-s nga Brukseli, Mamer nuk dha më shumë hollësi, dhe theksoi se pyetjet do të kenë përgjigje në konferencat për shtyp që do t’i ketë kryetarja e KE-së.

“Kryetarja shkon në Ballkanin perëndimor për ta konfirmuar përkushtimin e BE-së ndaj rajonit, këta janë partnerët e BE-së me të cilët kemi lidhje shumë të fuqishme dhe vizita do të jetë mundësi për të biseduar për këto marrëdhënie përfshirë edhe atë çështje bilaterale”, tha Erik Mamer, duke folur për kontestin me Maqedonisë së Veriut dhe Bullgarisë.

Fon der Lajen prej 28 deri më 30 shtator do t’i vizitojë të gjitha gjashtë vendet e Ballkanit Perëndimor, duke filluar nga Shqipëria dhe Maqedonia e Veriut.

Shefja e Komisionit evropian do ta vizitojë rajonin një javë para Samitit BE-Ballkani perëndimor që do të mbahet më 6 tetor në Slloveni me liderët e rajonit.

Nga Bashkimi Evropian insistojnë se ky samit nuk do të jetë “samit për zgjerim” por mundësi për t’u biseduar për marrëdhëniet e BE-së dhe rajonit.