Kontesti me Shkupin, Radev: Respektoni kriteret e BE-së dhe marrëveshjen me ne

Maqedonia e Veriut duhet t’i plotësojë kushtet e Kopenhagës dhe njëherit të respektojë edhe Marrëveshjen për Fqinjësi me Sofjen, poqëse dëshiron të bëhet anëtare e Bashkimit Evropian, ka deklaruar presidenti bullgar, Rumen Radev.

Sipas tij, Sofja është e hapur për dialog konstruktiv me Shkupin nëse ky i fundit plotëson kriteret e nevojshme.

“Unë besoj të nxiten bisedimet nga qeveria bullgare për të gjitha temat e rëndësishme me interes të përbashkët. Paralel me këtë dua që të zgjidhen të gjitha çështjet e hapura, garanci për të drejtat kushtetuese të maqedonasve bullgar, tërheqja nga gjuha e urrejtjes, ndërprerja e procesit të debullgarizimit, zhdukjen dhe falsifikimin e trashëgimisë sonë kulturore dhe historike. Me këtë do të ndihmohen vetë dhe do ti përshpejtojnë proceset integruese dhe të mundemi edhe ne ti hapim dyert për bisedime.”,- tha kryetari i Bullgarisë, Rumen Radev.