Dritan Abazoviq përmendet si Kryeministër i ardhshëm, flet edhe Presidenti Milo Gjukanoviq

Ish-Ministri i Jashtëm i Malit të Zi Srdan Darmanoviq thotë se është e vështirë të thuhet se cilat do të jenë zgjidhet për qeverinë e re në Mal të Zi.

“Koncepti është që në të të mos marrë pjesë Fronti i ri Demokratik, ndërsa ata që duan qeveri të rë nuk kanë interes që qeveria e deritashme të të jetë gjatë me mandat teknik” ka thënë ai.

Por, Darmanoviq thekson se pak a shumë dihet që kryeministri i ri do të jetë lideri i partisë ura Dritan Abazoviq.

Ish -kryediplomati malazez, tutje, ka theksuar se në qeverinë e re do të hyjnë edhe partitë e pakicave.

Ndërkohë Presidenti i Malit të Zi, Milo Gjukanoviq ka thënë se është interes i Malit të Zi të ketë një qeveri të përgjegjshme dhe se DPS (partia e tij), do t’i ofrojë mbështetje qeverisë së pakicës – me disa kushte të caktuara politike racionale.

“Do të mbështesim secilën qeveri që do ta ruaj karakterin qytetar dhe sekular të Malit të Zi që e çon përpara demokracinë multietnike dhe që i shërben zhvillimit ekonomik dinamik, në mënyrë që Mali i Zu si shtet i zhvilluar dhe demokratike në një të ardhme të afërt, të bëhet pjesë e BE’së” ka thënë ai.