Mu bëfshin helm për fëmijët/ Del VIDEO E PLOTE, Kryemadhi përplaset me qytetaren: Boll, pusho, më dëgjo mua…

Shpërndaje

Kryetarja e LSI-së Monika Kryemadhi është konfliktuar me një zonjë të publikut të “360 Gradë”, e cila ia tha në sy se LSI i hoqi ndihmën ekonomike, duke i renditur një sërë akuzash.

Monika Kryemadhi: “Nëse unë, Monika Kryemadhi kam marrë 1 qindarkë, jo ty, por çdo shqiptari që i kam dhënë dorën dhe e kam ndihmuar helm mu bëftë tek fëmijët e mi. Fëmijët e mi jetojnë në sajë të shpatullave të mija, prindërve të mi dhe të babait të tyre. Dhe asnjëri nga ata nuk jeton as nga paratë e Selfos, as atij që ka qenë para Selfos dhe të asnjë pushtetari të LSI-së që ka qenë 8 vjet në pushtet. Dhe një gjë ta them që ta kesh të qartë. Në këtë botë asnjë gjë nuk do lënë pa larë, por dhe asnjëgjë nuk do të marrim me vete, të jesh e bindur

Dhe nga ana tjetër, Nëse ti nuk lufton për fëmijët e ty mos kujto se do luftoj unë. Unë do luftoj për fëmijët e mi dhe secila nga ne do të luftojë për fëmijët e vet dhe secila nga ne. Por nëse ti pranon që të rrisësh fëmijët e tu me 30 mijë lekë në muaj unë nuk do ta pranoj kurrë. Jo për ty, jo për veten time por për të gjitha gratë që nuk kanë mundësi të rrisin fëmijët e vet. Por fëmijët tanë nuk rriten me fjalë rriten me vepra, duke luftuar secila nga ne. Nëse unë bëj gabim hajde më thuaj kam bërë gabim. Nëse ka vjedhur ndonjë i LSI-së hajde ma thuaj ta çojmë në burg.

Nëse ka vjedhur ndonjë i LSI-së hajde ta denoncojmë dhe ta çojmë në burg. Se boll me llafe rrugësh dhe i kemi bërë të gjithë njëlloj. Boll më me hajdutlliqe, boll me kriminela dhe boll me abuzime. Sepse vetëm sot për njerëzit që ka hequr Edi Rama janë 102 milionë euro që do paguash sepse i ka hequr për bindje politike. Prandaj të them si puna jote janë kudo.

Shko në fshatrat e Dibrës, Telepelës, Skraparit, urrejtje kanë. Sa shohin një politikan urrejtje kanë për vdekje. Këtë kemi bërë ne, kemi urryer politikën por kur vjen puna shkojmë e shesim votën tek këta politikanë të urryer. Mos e bëj më në zgjedhjet e ardhshme dhe mos u detyro të shesësh votën sepse prapë pa punë do ngelesh dhe pa ndihmë ekonomike.

Si nisi debati: Kryemadhi: Sa nga ju jeni në punë këtu (i drejtohet publikut). Do të dijë ajo për mandatin tim, as nukiintereson. Zonja të thotë nuk më intereson sepse edhe ti je si gjithë të tjerët. Qytetarja: Njëherë që e mora ndihmën ekonomike erdhi LSI-ja dhe ma hoqi ndihmën. Me 4 fëmijë. Mirë shtëpinë që ma vodhën, por më vodhën edhe shpirtin.

Kryemadhi: E dini ju pse jua hoqën ndihmën? Qytetarja: Ne shqiptarëve të shkretë na u mbyllën edhe rrugët e jetës. I përdor paratë tona për fëmijët e tu. Kryemadhi: Dale dale se fëmijët e mij i mbaj vetë unë. Çfarë profesioni ke ti zonjë. Qytetarja: Unë kam qenë inxhinjere. Po fabrikën na e mbyllët ju. Shyqyr që jam sot të përballem këtu me ju. Kryemadhi: Ne dolëm në opozitë për gabimet e Selfos. Qytetarja: Unë përfaqësoj shtresën e varfër të popullsisë. Kryemadhi: Ta vazhdoj unë atë që dua të them, do pushosh tani, që të të kuptoj unë. Ty do vazhdojë të të plasi shpirti dhe që të mos ketë më Selfo Kapllani që të mos të të heqi ty ndihmën ekonomike, boll tani qetësohu dhe më ler të flas.