Vëllau i El Chekës: Kemi përkrahje të madhe ndërkombëtare (Video)
Blerim Ahmedi, vëlla i Sheqerim Ahmedit i njohur si El Cheka, apelon te gjithë qytetarët që masovikisht të përkrahin protestën e radhës të paralajmëruar për ditën e diel. Protesta sërish do të mbahet para selisë së BDI-së, kurse prezenca policore pritet të jetë më e vogël, sepse bashkësia ndërkombëtare ka bë presion që policia të mos pengojë të drejtën elementare për të protestuar.
Në intervistën për Lajm.Tv, Ahmedi sqaron se nuk është arrestuar nga policia, por se ka qenë i ftuar në një bisedë koordinuese bashkë me përfaqësuesit e OSBE-së, lidhur me protestën e ditës së diel. Ai thekson se protestat janë pa ngjyrime partiake dhe se janë të ftuar të marrin pjesë të gjithë qytetarët, sepse kanë edhe përkrahje të madhe ndërkombëtare.
