Kryeministri i Kroacisë reagon pas aksidentit tragjik të autobusit kosovar

Shpërndaje

Kryeministri kroat, Andrej Plenkovic ka reaguar pas aksidentit fatal të autobusit me targa kosovare në Brod të Kroacisë, nga ku raportohet për 10 viktima, raporton Gazeta Express.

Plenkovic shprehu ngushëllime për familjet e viktimave, derisa tha se janë me familjet e viktimave dhe autoritetet e Kosovës.

Përmes një shkrimi në Twitter, ai është shprehur se për këtë aksident ka biseduar edhe me ministrin e Brendshëm kroat, atë të Shëndetësisë dhe ministrin e Mrojtjes Civile dhe se pasagjerëve të plagosur do t’u ofrohet kujdesi shëndetësorë.

“Me trishtim të madh morëm lajmin për aksidentin e një autobusi në rrugën afër Slavonski Brod, ku humbën jetën 10 persona. Ne jemi me familjet e viktimave dhe autoritetet e Kosovës, të cilëve u shprehim ngushëllimet tona më të thella. Shpresoj që pasagjerët e lënduar të shërohen”, ka shkruar ai në Twitter.