Për nder të viktimave të gjenocidit, qindra motoçiklistë nga Sarajeva nisen për në Potoçari

Qindra motoçiklistë u nisën sot nga Sarajeva për në Potoçari, ku do të marrin pjesë në përkujtimin dhe varrimin e viktimave të gjenocidit në Srebrenicës më 11 korrik, raporton Anadolu Agency (AA).

Midis pjesëmarrësve në Maratonën Ndërkombëtare të Motorëve-Srebrenica, e cila po mbahet këtë vit nën moton “Të mos harrohet dhe të mos përsëritet”, janë motoçiklistë nga BeH, vendet e rajonit dhe më gjerë.

Motoçiklistët u nisën nga Ilixha, dhe më pas formuan kolona dhe, të shoqëruar nga policia, bënë një defile nëpër Sarajevë.

Pjesëmarrësit e maratonës së motoçiklistëve u ndalën para Memorialit të fëmijëve të vrarë të Sarajevës së rrethuar dhe pas kësaj ata vazhduan udhëtimin e tyre drejt Qendrës Përkujtimore të Potoçarit.

Eshtrat e 19 viktimave të tjera të gjenocidit të vitit 1995 në Srebrenicë do të varrosen në varrezat e Qendrës Përkujtimore Potoçari më 11 korrik të këtij viti.

Foto: Elman Omić / AA