Alarmante, rrezik i mundshëm nga rrëshqitja e shkëmbit 20 ton mbi pendën e Matkës
Qendra për Menaxhimin e Krizave ka marrë njoftim nga EVN për një shkëmb të paqëndrueshëm në zonën e kanionit Matka, i cili ndodhet njëqind metra mbi murin e pendës. Ky shkëmb është në këtë pozicion për një kohë të gjatë, sipas fotove të marra vërehet një paqëndrueshmëri dhe ne si institucion i kemi dërguar kërkesë disa institucioneve përkatëse që duhet të dalin në terren, bëri të ditur sot drejtori i QMK-së Stojançe Angellov.
Bëhet fjalë për një shkëmb, siç tha ai, i cili sipas informacioneve fillestare është i gjatë gjashtë deri në tetë metra kub dhe peshon rreth 20 tonelata. Bëhet fjalë për energji të madhe kinetike. Kur ky shkëmb bie në pendë ka disa drejtime të mundshme lëvizjeje. Nga informacionet fillestare që i kemi nga EVN, këta shkëmbinj nuk do ta rrezikonin pendën dhe murin, por ne dëshirojmë të kontrollojmë të dhëna të tilla, thotë Angellov.
Kjo është një nga linjat e mundshme përgjatë së cilës do të lëvizte shkëmbi i rrëzuar dhe siç vërehet rënia do të ishte në afërsi të prizës nga ku rrjedh uji që shkon në termocentral ose uji i tepërt nëse penda është e plotë.
Drejtori i QMK-së theksoi se shkëmbi mund të qëndrojë në të njëjtin vend edhe për 100 vjet, por si institucion që vendos në radhë të parë sigurinë e qytetarëve thotë se janë të detyruar të informojnë institucionet.
Për reshjet e borës, Angellov tha se për momentin drejtimet rrugore janë të qarkullueshme dhe se ndalohet vetëm transporti i mjeteve të rënda motorike. Në fshatrat malore, zakonisht për këtë pjesë të vitit, rrugët nuk janë të kalueshme, por ato do të pastrohen në periudhën e ardhshme.
Drejtori i QMK-së shtoi se nëse një qytetar në çdo pjesë të vendit ka problem serioz për jetën, QMK-ja do të gjejë mënyrën për ta kontaktuar me informim në kohë.
