U gjetën 30 vizitorë që u humbën në Kodër të Diellit

Qendra për skijim Kodra e Diellit nëpërmjet rrjetit social Facebook ka njoftuar se për shkak të paraqitjes së mjegullës së dendur teleferiku me 6 ulëse Ceripashina dhe GE nuk do të punojë.

Njoftimi nga Qendra për skijim Kodra e Diellit:

⚠️Ju njoftojmë se për shkak të paraqitjes së mjegullës së dendur, për arsye sigurie është ndalur teleferiku me gjashtë ulëse, Ceripashina dhe Ge‼️

⚠️Njëkohësisht, Ju njoftojmë se gjatë ditës për shkak të mjegullës dhe uljes së dukshmërisë, kanë humbur 30 vizitorë të cilët më pas janë gjetur me ndihmën personave përgjegjës në kuadër të Qendrës së Skijimit “Kodra e Diellit”, ndërsa tre prej vizitorëve të lënduar, janë tërhequr nga shërbimet e shpëtimit në një vend të aksesueshëm ku nga ana e Emergjencave Mjekësore, njëri prej tyre është transferuar në institucion mjekësor për trajtim të mëtutjeshëm.