Kosova pranon nga ShBA mbi 500 mijë vaksina kundër COVID-19

Në Institutin Kombëtar të Shëndetësisë Publike të Kosovës sot është bërë ceremonia e pranimit të 515,970 dozave të vaksinës Pfizer, të siguruara nga Presidenti i SHBA, Joe Biden për popullin e Kosovës, të cilët në vendin tonë kanë arritur përmes mekanizmit COVAX.

Ministri i Shëndetësisë, Rifat Latifi, ka falënderuar Shtetet e Bashkuara të Amerikës për donacionin e vaksinave të cilat kanë ardhur në Kosovë përmes Aleancës COVAX.