Pamje të rënda/ Del video nga aksidenti në Prishtinë ku të lënduara janë dy vajza

Një aksident i rëndë ka ndodhur para pak çastesh në Prishtinë, ku një makinë ka goditur dy vajza dhe shoferi ka ikur nga vendi i ngjarjes, raporton GazetaBlic.

Sipas Policisë, vajzat kanë pësuar lëndime trupore dhe janë duke u trajtuar në spital.

“Nga informatat e para bëhet e ditur se në aksident janë përfshirë një veturë dhe dy këmbësore, të cilat kanë pësuar lëndime trupore. Të njëjtave u është ofruar trajtimi i nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, tha Borovci.

Detajet e aksidentit:

Sipas burimeve, aksidenti ka ndodhur kur një automjet është ndalur në zebra ndërsa, tjetri ka ardhur nga korsia tjetër me një shpejtësi mjaft të madhe ku edhe ka ndodhur goditja e dy vajzave.

Siç raportohet, vajzat kanë qenë me vetëdije por me lëndime trupore kur kanë arritur në spital për trajtim mjekësor.

Ngasesi, me veturë audi, i cili i ka qgoditur ka ikur nga vendi i ngjarjes.