Sulmi në Banjskë, Kurti: Serbia donte të niste luftë fetare

TVLAJMEPROGRAMESERIALEVIDEOGUIDA TVKLAN NEWSARKIVAKONTAKT

Sulmi në Banjskë, Kurti: Serbia donte të niste luftë fetare
Shpërndaje
13:04 07/10/2023
Kryeministri i Kosovës, Albin Kurti, duke folur për agresionin në Zveçan, ka thënë se qëllimi i Serbisë ka qenë që Policia e Kosovës të qëllojë mbi Manastirin e Banjskës në mënyrë që të nisë një luftë fetare në Kosovë.

Në një intervistë për Sky News, ai ka thënë se ky do të ishte skenari i përsosur në duart e presidentit rus, Vladimir Putinit, i cili e ka Putinin e tij të vogël në Ballkanin Perëndimi, duke aluduar në presidentin serb, Aleksandër Vuçiç.

“Ata kanë nevojë për luftë për të marrë Republikën Serbe dhe kështu e përdorën Radoiçiçin për të shkuar në manastirin ortodoks, duke shpresuar se policia jonë do të sulmojë manastirin, qëllojë në muret e manastirit, disa pelegrinë dhe peshkopë të lëndohen dhe pastaj të ketë një përhapje të fotografive të luftës fetare dhe Serbia që mbron krishterimin ortodoks, të cilat do të luanin në mënyrë të përsosur në duart e Putinit të Kremlinit dhe gjithashtu Kirilit, patriarkut të kishës ortodokse ruse”, ka thënë Kurti.

Shefi i Qeverisë së Kosovës mendon se ky ishte qëllimi i vërtetë i agresionit në Banjskë, të cilin e ka quajtur të dështuar.

“Ne morëm aktin e parë të dramës që u kthye në tragjedi për policin tonë dhe tre terroristë u eliminuan, disa prej tyre u arrestuan, shumica dërrmuese e tyre u arratisën”, ka theksuar kryeministri Albin Kurti./klankosova