Aleanca për Shqiptarët krahu i Selës, vendosi t’i bashkëngjitet “Frontit Europian”

Aleanca për Shqiptarët krahu i Selës, vendosi t’i bashkëngjitet Frontit Europian në zgjedhjet parlamentare të 8 majit.

Siç njoftoi kreu i kësaj partie Ziadin Sela, ata kanë pranuar ofertën e Frontit Europian, e e cila siç thotë, ka kënaqur kërkesën e tyre për të pasur së paku pesë deputetë në përbërjen e ardhshme parlamentare.

Megjithatë për atë se sa deputetë do të ketë kjo parti, Sela thotë se do të vendosë populli në zgjedhje.

Njoftimi i plotë:

Kuvendi i Aleancës për Shqiptarët, me shumicë absolute miratoi vendimin për tu bashkangjitur në koalicion me Frontin Europian.

Gjatë diskutimit u potencua rëndësia e momentit politik në të cilin ndodhet vendi, e ardhmja e qytetarëve si dhe sfidat nëpër të cilat ka kaluar Aleanca për Shqiptarët si një subjekt politik i rëndësishëm për të ardhmen e shqiptarëve në RMV.

Në mbledhjen e sotshme kuvendarët njëzëri autorizuan Këshillin Qendror për të përpiluar listën e kandidatëve për deputetë.

Kuvendi poashtu caktoi Tiron Jajagën për shef të shtabit qëndror zgjedhor të Aleancës për Shqiptarët.