Bllokada e Ngushticës së Hormuzit, Irani nis bisedimet me disa shtete evropiane për të lejuar kalimin e anijeve
Disa vende evropiane kanë filluar bisedime me Iranin në lidhje me tranzitin e anijeve përmes Ngushticës së Hormuzit, sipas televizionit shtetëror iranian.
“Pas kalimit të anijeve nga vendet e Azisë Lindore, veçanërisht Kina, Japonia dhe Pakistani, sot morëm informacion se evropianët kanë filluar gjithashtu negociatat me Marinën e Gardës Revolucionare” për të marrë leje tranziti, raportoi televizioni shtetëror, pa specifikuar se cilat vende.
Ngushtica e Hormuzit është itinerari më i rëndësishëm i anijeve për transportin e naftës. Hormuzi u mbyll nga Irani në shenjë hakmarrjeje pas sulmeve të përbashkëta të SHBA dhe Izraelit.
Armëpushimi hyri në fuqi më 8 prill përmes ndërmjetësimit pakistanez, por bisedimet nuk kanë arritur deri më tani të prodhojnë një marrëveshje.
Që nga 13 prilli, SHBA-ja ka vendosur bllokadë detare duke synuar trafikun detar iranian në ngushticë.
