Deklarata e Zelenskyt, Prishtina heq mbishkrimin “Free Ukraine”: Shteti i Kosovës duhet të respektohet
Deklarata e Presidentit ukrainas Volodymyr Zelenskyy se Ukraina nuk ka ndryshuar qëndrimin e saj ndaj Kosovës ka sjellë një reagim simbolik në Prishtinë.
Kryetari i Prishtinës, Përparim Rama, ka publikuar pamje nga momenti kur nga një hapësirë publike në kryeqytet po hiqet mbishkrimi “Free Ukraine”.
Në reagimin e tij, Rama thekson se solidariteti i Kosovës me popujt që përballen me luftë dhe dhunë mbetet i pandryshuar, por shton se kjo nuk mund të bëhet duke nënçmuar shtetësinë e Kosovës.
“Shteti i Kosovës duhet të respektohet. Kur Kosova nuk respektohet, Kryeqyteti Prishtina përgjigjet gjithmonë njëjtë”, shkruan ai.
