Rama udhëton drejt Kosovës/ Të hënën zhvillohet mbledhja e përbashkët e dy qeverive

Kryeministri Edi Rama udhëton sot drejt Kosovës, ku te hënën do të zhvillohet mbledhja e përbashkët e dy qeverive.

Gjatë pasdites së sotme shefi i qeverisë do të vizitojë disa biznese shqiptare e do të bisedojë me sipërmarrësit e Kosovës për sfidat me të cilat ata përballen. Më pas, kryeministri do të shkojë në burojë të Skenderajt, ku do të takojë familjen e ish-Presidentit të Kosovës, Hashim Thaçi.

Kjo vizitë vjen pak javë pasi Rama zhvilloi një takim me Thaçin, në burgun e Hagës, ku ai ndodhet prej dhjetorit të vitit 2020.

Nesër në orën 11.00 do të nisë dhe mbledhja e perbashket mes qeverisë së Kosovës dhe asaj të Shqiperisë.

Sipas axhendeës, në fillim do teë flasin dy kryeministrat, Edi Rama dhe Albin Kurti. Në 12.30 do të firmosen marrëveshjet e përgatitura dhe më pas do të ketë një konferencë të përbashkët.

Mbledhja e fundit e dy qeverive u zhvillua në Elbasan në muajin nëntor të vitit të kaluar.