Kthimi i TVSH-së mund të jetë më i lartë se 2.100 denarë aktual

Ka filluar pagesa e rimbursimit të TVSH-së për tremujorin e tretë, njoftoi mbrëmë drejtoresha e Drejtorisë së të hyrave publike, Sanja Lukarevska, gjatë vizitës në shërbimin kombëtar.

Në një paraqitje mysafire në Televizionin Kombëtar (MTV), Lukarevska tha se rimbursimi do të jetë në vlerë prej rreth 790 milionë denarë, të cilin do ta marrin 459.670 qytetarë.

“Një nga projektet më të suksesshme e ka justifikuar ekzistencën e tij. Numri i shfrytëzuesve po rritet dhe falënderoj qytetarët që janë inspektorët tanë që raportojnë gjithçka dhe na mundësojnë të luftojmë ekonominë gri”, tha Lukarevska.

Ajo theksoi se rimbursimi i TVSH-së mund të jetë më i lartë se 2.100 denarë aktual, përkatësisht duhet të rritet gradualisht.

Ajo iu referua edhe taksës së solidaritetit, nga e cila pritet të mblidhen tre miliardë e njëmbëdhjetë milionë denarë. Sipas të dhënave që kanë, më shumë se 2/3 e kompanive kanë shlyer detyrimet e tyre.