LEN: BDI-ja së pari mashtroi shqiptarët me Naser Zyberin, tani me Talat Xheferin si kryeministër teknik-administrativ

Nga Lidhja Europiane për Ndryshim thonë se BDI-ja ka qenë, është dhe do të mbetet e dështuar sepse njëherë mashtroi shqiptarët me Naser Ziberin si kryeministër me kompetenca të plota dhe pastaj përfunduan me kryeministër Talat Xhaferin, i cili do të ketë vetë kompetenca administratori.

“Lidhja Europiane për Ndryshim, patjetër se është pro që te ketë kryeministër shqiptarë. Por kundër kryeministrit shqiptar janë vetë BDI, e cila mundësinë për të pasur kryeministër shqiptar e humbi katër vite më parë kur i mashtroi shqiptarët që ta votojnë Naser Ziberin, ndërsa BDI e votoi në Kuvend për kryeministër Zoran Zaevin e më pas Dimitat Kobaçevskin. BDI ka propozuar një kandidat për kryeministër shqiptar një person i cili nuk do të ketë asnjë kompetencë, por do të jetë kukull në karrigen e kryeministrit, sa për rë organizuar zgjedhjet.”- thonë nga LEN.

Ata akuzojnë se BDI-së nuk i interesojnë pozitat e larta shtetërore për të punuar në interes të shqiptarëve dhe të shtetit, por vetëm për të manipuluar opinionin dhe për të vjedhur, e për të sjellë investitor për kazino e bastore nga Serbia dhe Rusia.

“E kur jemi bash te kryeministri shqiptar, çdo shqiptar do te ishte i pranueshëm për kryeminisër, qoftë ai edhe teknik (sepse aq ka kapacitet BDI), por jo Talat Xhaferi. Si mund te presim zgjedhje fer dhe demoktatike të organizoj një qeveri e udhehëqur nga Talat Xhaferi, i cili nga pozita e kryetarit të Kuvendit ia pamundëson votuesit opozitar shqiptar që të ketë përfaqësuesin e tij në KSHZ. Me kandidimin e Talat Xhaferit, BDI jep edhe një dëshmi se po përgatitet që ti manipulojë zgjedhjet!”- thuhet në komunikatë.