Artistit Shpat Kasapi i jepet lamtumira e fundit! (Video)

Ceremonia mortore për këngëtarin e ndjerë Shpat Kasapi, ka filluar në Pallatin e Kulturës në Tetovë, ku janë mbledhur familjarë, miq, kolegë dhe adhurues të muzikës për t’i dhënë lamtumirën e fundit.

Me lot në sy të pranishmit i bëjnë homazhe artistit që u nda papritur nga jeta në moshën 40-vjeçare.

Përveç familjarëve të ngushtë, në ngjarje janë parë edhe figura të njohura të skenës muzikore shqiptare, mes të cilëve Blero, Adelina Tahiri, Big Mama dhe Dafina Zeqiri, të cilët kanë ardhur për të nderuar karrierën dhe kontributin e Shpat Kasapit në muzikën shqiptare.

Të pranishmit ndajnë kujtime dhe emocione, duke reflektuar mbi ndikimin e madh që Kasapi la në publik dhe kolegët e tij.

Ceremonia mortore do të vazhdojë drejt varrezave të qytetit, ku Shpat Kasapi do të prehet përfundimisht, ndërsa kjo e sotmja shërben si moment për të përkujtuar jetën dhe arritjet e tij artistike.

Artistit Shpat Kasapi i jepet lamtumira e fundit!