Mickoski: Këtë vit nuk ka zgjedhje, disa parti u frikësuan nga deklarata ime!
Kryeministri Hristijan Mickoski përjashtoi mundësinë për zgjedhje të parakohshme në vitin 2026 por jo edhe në vitin 2027. Ai këtë qëndrim e tha në pyetjen për të sqaruar deklaratën e një dite më parë, pasi tha se së shpejti do të ketë zgjedhje dhe Filipçe e ato që mendojnë si ai do të margjinalizohen dhe zhduken nga politika.
“Ka disa parti që u frikësuan nga ajo deklaratë e imja. Por, qëndrimin tim e dini. Nuk do të ketë zgjedhje këtë vit, ky është një vit reformash dhe konsolidimi. Do të doja të kisha zgjedhje të rregullta në pranverën e vitit 2028. A është viti 2027 një mundësi? Ju e dini që VMRO-DPMNE është gjithmonë e gatshme të shkojë në zgjedhje dhe të fitojë, por fokusi ynë është të zbatojmë reforma dhe të rrisim fuqinë ekonomike dhe standardin e qytetarëve”, deklaroi Hristijan Mickoski, Kryeministër.
