Kablloja e çeliktë e vinçit këputet dhe gypi katër tonësh përfundon mbi veturë, pasagjerët shpëtojnë mrekullisht (Video)

Dy pasagjerë që ishin brenda një veture afër një zone ndërtimi në Tajlandë mund të quhen lirisht njerëzit më me fat, për faktin që mbijetuan kur gypi gjigant i hekurt u këput nga kablloja e çeliktë e vinçit dhe përfundoi mbi veturën e tyre.

Po të ishte ndalur vetura e tyre vetëm disa centimetra më përpara, sigurisht se gypi katër tonësh do të binte mbi kokat e tyre dhe zor se do t’i mbijetonin plagëve të marra, transmeton Telegrafi.

Pamjet e filmuar nga kamera e vendosur prapa një veture ka kapur momentin kur kablloja e vinçit këputet dhe gypi gjigant bie mbi motorin e veturës. Pas kësaj përplasje, shoferi dhe një vajzë dalin me shpejtësi nga vetura, nga frika se mund ta pësojnë nga ndonjë gyp tjetër.

Ngjarja besohet të ketë ndodhur në Bang Khun Nok në autostradën që lidh Bang Khunmat në Tajlandë. Pas publikimit të videos në internet, ajo është bërë virale me mbi një milion klikime dhe mbi 6 mijë shpërndarje. /Telegrafi/