Bytyqi: Së shpejti do të kemi qeveri “Zaev 3”
Bordi Qendror i LSDM-së ka kërkuar vetëm shtyrjen e vendimit për dorëheqjen e Zoran Zaevit. Dorëheqja është një akt i lartë demokratik dhe në vendet normale do të kuptohej si një mënyrë për të rishqyrtuar pse gjërat nuk shkuan mirë. Në vendin tonë kjo kuptohet në mënyrë paradramatike. E vlerësoj vendimin e tij për dorëheqje, por edhe pronolongimin e vendimit, tha në konferencën e mëngjesit nënkryetari i LSDM-së dhe zv. kryeministër për Çështje Ekonomike Fatmir Bytyqi.
Tek ne postet e kryetarit të partisë janë të lidhura me kryeministrin.
“Në shoqërinë tonë është pothuajse e pamundur të kesh një kryeministër të ndryshëm nga kryetari i partisë drejtuese, nëse nuk ka një qeveri teknike ose eksperte. Tani pason konsolidimi i partisë dhe më tej një kryeministër i ri. Mendoj se së shpejti do të kemi një qeveri “Zaev 3”, prapë një qeveri të udhëhequr nga Zaev me ndryshimin e gjashtë apo shtatë ministrave.
Mendoj se ne kemi nevojë që ai të vazhdojë disa procese, riorganizimi i qeverisë është i mirë dhe mendoj se do të duhet të ketë disa ndryshime kuadrosh. Jam plotësisht i lirë nga ajo nëse do të jem në listën e re. Mendoj se rezultatet përcaktojnë se kush do të qëndrojë e kush do të largohet”, tha Bytyqi.
