Poirier mposht McGregorin në UFC 264, irlandezi pësoi thyerje të tmerrshme të kyçit të këmbës

Shpërndaje

Dustin Poirier mposhti Conor McGregorin për herë të dytë, në UFC 264, me fitoren e amerikanit që erdhi pas ndalesës nga gjyqtari dhe mjekur në fund të raundit të parë, pasi irlandezi pati një thyerje të tmerrshme të kyçit të këmbës.

McGregor ishte në shpinë për pjesën më të madhe të raundit, pasi provoi një gijotinë të dështuar në fillim të raundit, por ai arriti të kthehej në këmbë në fund të pesë minutave.

Megjithatë, ish-kampioni i dy peshave në UFC humbi në fund para se të mbaronte koha për raundin e parë.

Poirier me disa goditje të mira arriti ta lodh irlandezin, ndërsa pesha e McGregor kur u kthye në kyçin e këmbës, atij i shkaktoi një dëmtim të tmerrshëm duke iu thyer dhe ai ra në tokë qartë nga dhimbja.

Gjyqtari vendosi ta ndërpres meçin dhe t’i jap fitoren Poirierit, por kjo nuk i pëlqeu aspak McGregorit.

Irlandezi bërtiste nga inati dhe kërkonte që lufta të quhej ndërprerje e mjekut dhe jo fitore e Poirier./Telegrafi/