Takim i ri i Zaevit me Gashin për hyrjen e Alternativës në Qeveri

Kryeministri Zoran Zaev dhe kryetari i Alternativës Afrim Gashi sot do të mbajnë takim të ri rreth asaj nëse partia do t’i bashkohet qeverisë dhe shumicës parlamentare ose do të mbetet në bllokun opozitar.

A do të bëhet Alternativa pjesë e Qeverisë, apo do të mbetet pjesë e opozitës? Sot në ora 14 pritet të takohen kryeministri Zoran Zaev dhe lideri i Alternativës, Afrim Gashi. Kryesia Qendrore e Alternativës të premten vendosi që të autorizojë Gashin që të nis bisedimet me të gjithë akterët politik, me kryeministrin por eventualisht edhe me mandatarin e ri, që vendi të del nga kriza politike. Gashi dhe Zaev kishin takim me 19.11.2021.

Në mbledhjen e Kryesisë Qendrore të LSDM-së, që gjithashtu u mbajt të premten, u konstatua dorëheqja e Zaevit nga pozita e liderit të LSDM-së, por iu dha legjitimiteti për bisedime për shumicë të re parlamentare.