Përfundon protesta e serbëve në Shtërpcë, Policia: Ishte e qetë, nuk pati incidente

Shpërndaje

Policia e Kosovës përmes një komunikate për media ka njoftuar se ka përfunduar protesta në Shtërpcë dhe është liruar rruga për qarkullimin e automjeteve, transmeton Gazeta Metro.

Nga policia kanë thënë se protesta ka kaluar e qetë dhe nuk është raportuar për incidente.

”Ju njoftojmë se në ora 12:30 ka përfunduar protesta që ishte paralajmëruar të mbahej në Shtërpcë. Protesta ka kaluar e qetë dhe nuk është raportuar për incidente. Tani, rruga rajonale Shtërpcë – Prevallë është e lirë për qarkullimin e automjeteve,” thuhet në komunikatë.

Sot në Shtërpcë është protestuar pas plagosjes së dy të rinjve serbë mesditën e së premtes.

I dyshuar për plagosjen e tyre është ushtari i FSK’së, Azem Kurtaj. Për këtë të fundit sot është mbajtur seanca gjyqësore në Ferizaj dhe pritet që gjatë ditës të merret vendimi.

Komunikata e policisë:

Përfundon protesta në Shtërpcë, lirohet rruga për qarkullimin e automjeteve

Ju njoftojmë se në ora 12:30 ka përfunduar protesta që ishte paralajmëruar të mbahej në Shtërpcë.

Protesta ka kaluar e qetë dhe nuk është raportuar për incidente.

Tani, rruga rajonale Shtërpcë – Prevallë është e lirë për qarkullimin e automjeteve.