Italia do të dërgojë një anije spital në bregdetin e Gazës
Ministri i Mbrojtjes i Italisë ka thënë se vendi i tij do të dërgojë një anije spital me 170 persona staf në brigjet e Gazës, raporton Skynews, transmeton Klan Kosova.
Guido Crosetto deklaroi se mes stafit ishin 30 persona të trajnuar për urgjencat mjekësore, duke shtuar se Italia po punonte gjithashtu për të dërguar një spital fushor në Gaza.
Shumë agjenci dhe bamirësi të OKB-së thonë se kanë vërejtur se kushtet humanitare po përkeqësohen më tej në enklavë, me disa spitale në gjendje kritike mbi kapacitetin dhe me pak karburant dhe furnizime.
