‘STRIMNICA ME TRADITË’, organizohet iftari i përbashkët me nxënësit dhe qytetarët e fshatit (Foto/Video)
Strimnica një fshat në Komunën e Zhelinës me traditë fetare dhe kombëtare, gjithmonë ka organizuar aktivitete të ndryshme, një ndër ato është edhe organizimi i iftarit në muajin e shenjtë të Ramazanit, që tanimë për çdo vit organizohet te shkolla fillore e e fshatit dhe e cila tash më do ngelet si traditë për breza të ardhshëm, njofton ALBAZONE MEDIA.
Më poshtë ju sjellim edhe një shkrim të mrekullueshëm nga FORUMI RINOR:
Iftar i mrekullueshëm për nxënësit dhe Bashkësinë e Fshatit Strimnicë!
Në një atmosferë të ngrohtë dhe të mbushur me dashuri, Forumi Rinor i Fshatit Strimnicë u mblodh së bashku për të organizuar një iftar të veçantë për nxënësit, kolektivin e shkollës, Bashkësinë Lokale, Hoxhallarët, kompanitë e fshatit dhe bashkëfshatarët me funksione të ndryshme profesionale. Për të dytin vit me radhë, kjo ngjarje e bukur u zhvillua në ambientet e shkollës fillore “Ibrahim Temo”, duke sjellë gëzim dhe harmoni për të pranishmit. Në këtë rast, dëshirojmë të shprehim një falënderim të veçantë për të gjithë pjesëmarrësit në këtë iftar të mrekullueshëm, si dhe për kompanitë që ndihmuan financiarisht në organizimin e kësaj ngjarjeje të rëndësishme për komunitetin tonë.
Gjithashtu, një falënderim i veçantë shkon për shkollën për bashkëpunimin dhe për Venhar Osmanin për interpretimin e mrekullueshëm të ilahive, duke bërë që ky moment të jetë edhe më i paharrueshëm. Ky iftar synon të mbetet traditë e rregullt cdo vit, duke e bërë komunitetin tonë edhe më të bashkuar dhe të fortë në solidaritetin e tyre.
Faleminderit Forumit Rinor dhe të gjithë atyre që ndihmuan në realizimin e kësaj ngjarjeje të mrekullueshme!
#ramazan2024 #rinia #forumirinor #strimnica #iftar
